Opið hús á Sævarhöfða 31, mánudaginn 7. apríl 2025 frá kl. 18:00 til 21:00.  Þar verður sýnikennsla, hvernig eigi að skipta um dekk á reiðhjóli.  Öll verkfæri til staðar.  Fólk getur prófað að skipta sjálft og fengið aðstoð hjá reynsluboltum Fjallahjólaklúbbsins og Reiðhjólabænda.  Um kl. 19:00 verða vöfflur í boði á kaffistofunni inn af verkstæðinu.  Allir velkomnir og aðgangur ókeypis.  Það væri gott að melda sig á Facebook viðburðinn, svo við getum skipulagt okkur með verkfæri og áætlað magn af vöfflum og rjóma.

Nú ættu allir virkir félagsmenn Fjallahjólaklúbbsins að hafa fengið tímaritið okkar Hjólhestinn inn um bréfalúguna ásamt félagsskírteini 2025 ef félagsgjaldið hefur verið borgað.

Aðalfundur Íslenska fjallahjólaklúbbsins verður haldinn þriðjudaginn 29. apríl 2025 kl. 20 í klúbbhúsinu Sævarhöfða 31.

Venju samkvæmt hefst vinna við árlega tímaritið okkar Hjólhestinn núna í upphafi árs og auglýsum við hér með eftir efni. Það er laust pláss fyrir ýmisskonar pistla, ferðasögur, reynslusögur úr starfi klúbbsins og allskonar. Við látum samt aðra að mestu um að fjalla um keppnissportið.

Það væri t.d. gaman að heyra frá einhverjum sem byrjaði nýlega að nota hjólið sem samgöngutæki og heyra hvað dreif viðkomandi af stað og hver reynslan hefur verið. Það má líka fjalla um ferð með klúbbnum eða aðrar skemmtilegar hjólaferðir eða ferðalög eða ævintýri sem fólk hefur upplifað.

Skilafrestur á efni er 21. febrúar. Þó væri gott að heyra sem fyrst frá þeim sem eru með efni í undirbúning. Hver síða rúmar 6-700 orð / 3200-3500 slög en minna með myndum. - Það er skemmtilegra að hafa myndir með. Ef textinn er mjög mikill getum við líka birt góðan kafla í blaðinu og síðan haft söguna alla á vef klúbbsins.

Einnig vantar okkur aðstoð við að afla auglýsinga til að fjármagna blaðið og eru allar ábendingar og aðstoð vel þegin því eins og ávallt er allt starf unnið af sjálfboðaliðum hjá klúbbnum.

Sendið efni á netfang klúbbsins: This email address is being protected from spambots. You need JavaScript enabled to view it.

Helgina 6.-7. júlí förum við í helgarferð um Siglufjarðarskarð og Kolugljúfur.

Við byrjum á að hjóla á laugardeginum 15 júní upp í Hítardal.  Þar er gríðarleg náttúrufegurð, hjólaleiðin er að mestu á góðum malarvegi, en við munum líka hjóla einhverja slóða til að skoða nálæga dali.  40-50 km, erfiðleikastig 5 af 10.  Gistum í Ólafsvík 2 nætur, þar er ágætt tjaldsvæði með góðri inniaðstöðu.  Það er gerð krafa um rafmagnshjól í þessari ferð, eða að fólk sé í mjög góðu hjólaformi.  Á leiðinni munum við stoppa á Arnarstapa og öðrum ferðamannastöðum og skoða okkur um.  Snæðum einhvers staðar á leiðinni eða við komu til Ólafsvíkur.

Alla þriðjudaga í sumar leggjum við af stað frá Sævarhöfða 31. Á sama tíma leggja Reiðhjólabændur af stað, en við förum aðeins hægar yfir en þeir. Öll velkomin að taka þátt, börn yngri en 14 ára skulu þó vera í fylgd með foreldrum eða forráðamönnum.

Við ætlum að kveðja Klúbbhúsið á táknrænan hátt með því að hjóla frá Brekkustíg 2 yfir að Sævarhöfða 31 og taka þar hefðbundið vöfflukaffi í nýju aðstöðunni okkar. Við reiknum með að leggja af stað kl. 14:00 25 apríl 2024.

Vinsamlega merkið við mætingu hér á Facebook viðburðinum, svo við getum áætlað magn af vöfflum og hversu mikið á að hella upp á.