Hjólað um höfuðborgarsvæðið

Þriðjudagskvöldferðirnar - yfir sumarmánuðina

Við hittumst við Landsbankann í Mjódd  á hverjum þriðjudegi í sumar og hjólum af stað kl 19:30, ýmist eftir stígum, hjólabrautum eða samnýtum rólegar hverfisgötur með öðrum farartækjum, lærum að þekkja stígakerfið, kynnumst þeim fjölmörgu hjólabrautum  sem hafa verið lagðir á undanförnum árum og gert hjólreiðafólki auðveldara að fara um höfuðborgarsvæðið með öruggum hætti.

Þessar ferðir henta öllum, byrjendum, görpum og börnum niður í 10 ára í fylgd foreldra eða forráðamanna.  Þá hafa yngri börn komið með á tengihjólum eða þar til gerðum barnastólum.  Ferðirnar eru 10-25 km og munu taka 1 1/2 - 3 tíma.  Er ekki tími til kominn að dusta rykið af reiðhjólinu sem er búið að standa allt of lengi úti í bílskúr og koma með okkur eitthvert kvöldið?

Umsjónaraðilar í sumar eru Hrönn Harðardóttir, Árni Davíðsson, Tryggvi Garðarsson og Steingrímur Jónsson
Dagskrá framundan:

•     18 maí - Breiðholt skógarstígar
•     25 maí - Heiðmörk
•       1 júní - Kleppur/Laugarnes
•       8 júní - Óákveðin
•     15 júní - Geldinganes
•     22 júní - Óákveðin
•     29 júní - Þingholt
•       6 júlí - Garðabær
•     13 júlí - Kópavogur
•     20 júlí - Rauða/Reynisvatn
•     27 júlí - Seltjarnarnes
•       3 ágúst - Breiðholtshverfi
•     10 ágúst - Mosfellsbær / vöfflukaffi
•     17 ágúst - Óákveðið
•     24 ágúst - Álftanes, sólarlagsferð
•     31 ágúst - Lokahóf í Klúbbhúsinu