Hér má sjá tjaldstæðið fyrsta morguninn.

Eftir góðan morgunverð var lagt af stað í rólegheitum en strax í fyrstu brekkunni slitnaði teinn hjá einum.

Við biðum róleg og nutum útsýnisins meðan dittað var að hjólinu.

Ungur herra var með í för í hjólavagni og virtist hann njóta ferðarinnar ágætlega þó hann hafi blundað aðeins seinnipartinn.

Brekkurnar voru ekki stórar en útsýnið frábært, hvert sem litið var, og ófáar myndir teknar.

 

   

  Á hringleiðinni fyrri daginn þurfti að vaða þessa sprænu, bæði til að við bleyttum okkur ekki sjálf og
til að fá ekki vatn inn í viðkvæmar legur á hjólunum þar sem það getur skolað burt feiti og skemmt þær.

  Aðstaðan í skálanum er skemmtilega hrá og eyðileggur ekki útilegustemninguna.

Magnús Bergsson mundar myndavélina, með þrífót og tvöfaldara að reyna að ná fuglum á miðju vatni í nærmynd.

  Steini fer ekki alltaf hefðbundnar leiðir og er þarna að nýta vegvísi sem viðgerðastand meðan hann smurði keðjuna lítillega.

Seinni daginn gekk yfir smá suddaveður en það jók bara stemninguna og gaf umhverfinu nýjan svip.

Eftir 22km hring seinni daginn, var vaðið aftur yfir litla sprænu, náttúruparadísin Veiðivötn yfirgefin og hjólað áleiðis út í eyðimörkina.
Ljósmyndarinn sjálfur sést hér á síðustu myndinni.

Allar myndir © Jón St. Kristjánsson, texti Páll Guðjónsson