Sveitafélögin hjóluð saman

Details: Alda Jóns og Haraldur Tryggva; 17. maí 2001

Förin "Hjóla sveitafélögin saman" hófst kl.12 við Sundlaug Seltjarnarness. Þar var hjólalögreglan mætt til að fylgja hópnum sem lagði upp í ferðina að Fjölskyldugarðinum ásamt fulltrúum úr sveitastjórn Seltjarnarness. Lesið frásögn Haraldar Tryggva og skoðið myndirnar sem hann tók hér fyrir neðan.

Ég vil þakka klúbbfélögum fyrir frábæran stuðning við þetta verkefni "Hjólum sveitafélögin saman". Það var vaskur ÍFHK hópur sem var kjarninn í ferðinni og lét ekki veðrið aftra sér. Margir fóru alla leið og aðrir styttri spotta, meira að segja með börnin á tengihjólum eða í kerrum.

Ég verð að segja það að ég var virkilega stolt af ykkur öllum og gaman að vera í forsvari fyrir svo samheldinn hóp sem hjálpaðist að við að vinna úr því sem upp á kom. Hvort heldur það var að aðstoða í umferðinni eða fylgja fólki og hvetja áfram þegar vindhviðurnar feyktu því frekar afturábak en áfram.

Stoltur formaður ÍFHK, Alda Jóns

Sveitafélögin hjóluð saman
Förin "Hjóla sveitafélögin saman" hófst kl.12 við Sundlaug Seltjarnarness. Þar var hjólalögreglan mætt til að fylgja hópnum sem lagði upp í ferðina að Fjölskyldugarðinum ásamt fulltrúum úr sveitastjórn Seltjarnarness. Veðrið var ekki sem best 6°C, 10.m/s kaldi og rigning.

Nr1.20.5.01-c.jpg Nr.4_I.S.G_20.501-c.jpg

Þegar hópurinn var kominn að gatnamótum Mýrargötu og Ægisgötu slóst borgarstjóri inn í hópinn og hjólaði með sem leið lá í Fjölskyldugarðinn þar sem boðið var upp á veitingar.

Nr.3___20.5.01-c.jpg

Þegar var komið í Engihjallann í Kópavogi hafði bæst í vindinn og helltust einhverjir úr lestinni. Komu fulltrúar bæjarstjórnar og slógust með í för eftir að fólk hafði þegið veitingar.

Nr.5___20.5.01-c.jpg

Þessi mynd er tekin við mörk Garðabæjar. Í verslunarkjarnanum á Garðatorgi tóku fulltrúar úr bæjarstjórn á móti hópnum, einn fulltrúanna úr bæjarstjórn flutti nokkur orð og sagði að þetta væri gott framlag til að bæta samgöngur fyrir hjólreiðafólk. Þarna stækkaði hópurinn sem hjólaði síðan til Hafnafjarðar. Við Fjarðarkaup komu fulltrúar bæjarins í fylkinguna og hjólað var að Skátaheimilinu við Víðistaðatún þar sem boðið var upp á kaffi og kleinur.

Þar tók Alda Jónsdóttir til máls og þakkaði fyrir hönd klúbbsins og fulltrúar frá Hafnafirði tóku líka til máls og lofuðu þetta framtak. Þá hafði hópurinn verið að hjóla í 4 tíma með stoppum í íslenskri vorblíðu :-)

Með kveðju: Halli Tryggva. Myndir HT.
20/05/2001

Nr.7__20.5.01-c.jpg

Nr.8___20.5.01-c.jpg

   Aðdragandinn:

   Umhverfisdagar sveitafélaganna
   Nú um helgina verða "Umhverfisdagar sveitafélaganna" Það var leitað til Íslenska fjallahjólaklúbbsins um skipulagningu og framkvæmd á að "Hjóla sveitafélögin saman" sunnudaginn 20.maí. Jakob sem er í kvöldferðunum með Bjössa Finns skipulagði leiðina sem ekki var auðvelt vegna samgönguörðugleika.
   Hjólað verður á neðangreinda staði þar sem boðið verður upp á hressingu í boði sveitafélags á viðkomandi stað og takið eftir því að gert er ráð fyrir stoppi og tíminn sem gefin er upp miðast við að lagt verði af stað aftur á þeim tíma.
   Lagt af stað frá Sundlaug Seltjarnaness kl. 12:00 (Forseti bæjarstjórnar Inga Hersteinsdóttir fylgir úr hlaði efir lúðrablástur og fjör)
   Fjölskyldugarður í Laugardal kl.13:30 (Hittum Ingibjörgu Sólrúnu eða fulltrúa hennar)
   Engihjalli Kópavogi. kl. 14:30 (hittum Sigurð Geirdal)
   Garðatorg Garðabæ. Kl. 15:30 Fjarðarkaup 15.45 (fulltrúi frá Garðabæ )
   Endað við Víðistaðatún Hafnarfirði kl. 16:00.
   Fólk ætti að hafa nægan tíma til að koma inn í hjólahópinn á þessum stöðum, einnig er hægt að koma inn hvar sem er og fólk hjólar þá vegalengd sem hentar því .Halldór Garðarsson hjá Blue Biking sem mun sjá um fylgdarbíl, varahluti s.s. slöngur og dekk. Hann mun líka geta útvegað hjól undir þá "pólitíkusa" sem ekki eiga hjól. og taka þau börn upp sem gæfust upp eða hjól sem biluðu
Hjóluð verður sama leið til baka en án þess að stoppa.kl c.a 16:15 -16:30

Boðskapurinn er að fólk noti annað en einkabílinn til að komast á milli staða og dagskrárliða helgarinnar. Einnig er þetta ábending um hvað erfitt er að komast á milli sveitafélaga og þarft að benda pólitíkusum á það og óska eftir úrbótum.
   Nú ætlum við að hvetja sem flesta úr okkar röðum að drífa sig og sitt fólk út að hjóla til að við getum sýnt fram á aðstöðuleysið í okkar málum. Einnig vantar fólk til að vera í starfsmannajökkunum okkar og aðstoða þá sem þarf.
   Þið sem það getið hjálpað til, sendið mér tölvupóst This email address is being protected from spambots. You need JavaScript enabled to view it.
   Sjáumst
   Alda Jóns , Maggi B og Jakob í undirbúningsnefnd
17/5/2001

Leiðin