Ferðalög ÍFHK

Atburðaalmanak

Skoða allt árið Skoða mánuðinn Skoða viku Skoða daginn í dag Leita Velja mánuð
Skagafjörður - Helgarferð
From Föstudagur 07 júní 2019
To Sunnudagur 09 júní 2019

Áætlað er að hjóla um Skagafjörð í góðu veðri og mikilli náttúrufegurð þar sem sagan er á hverju strái, blómlegur landbúnaður og fjölbreytt dýralíf.

Boðið er uppá góða aðstöðu í sumarbústað í Varmahlíð þar sem einhverjir geta fengið gistingu einnig er tjaldsvæði , hótel, sundlaug og veitingastaðir í göngufæri. Möguleiki er á að nýta bústaðinn fram eftir vikunni.

Stefnt á að hafa möguleika á aðstoð ef einhver vill stoppa eða ef eitthvað bilar þannig að ekki sé hægt að halda áfram.

Ef áhugi er fyrir er hægt að benda á nokkrar hjólaleiðir til viðbótar, gönguleiðir   í nágrenninu  m.a. á nokkur fjöll, rafting, söfn, fuglaskoðun, Drangeyjarsiglingu, heimsókn á bóndabæi ofl.

 

7. júní

Hópurinn kemur saman föstudaginn 7. júní í sumarbústað í Varmahlíð.

 

8. júní

Hjólað frá Varmahlíð áleiðis til Sauðárkróks, stoppað við Glaumbæ eftir ca 10 km og hjólað síðan til Sauðárkróks 25 km frá Varmahlíð, stoppað við Sauðárkróksbakarí þar sem hægt er að fá sér í gogginn. Hjólað frá Sauðárkrók í austur, stoppað eftir ca 7 km við útsýnisstað í Hegranesi, hjólað yfir Hegranes og yfir í Viðvíkursveit og stoppað við gatnamót eftir ca. 17 km frá Sauðárkrók. Hjólað til suðurs og stoppað á ca 10 km fresti eða þrisvar sinnum áður en hópurinn kemur til baka í bústaðinn.

 

9. júní

Keyrt til Sauðárkróks og hjólað til norðurs eftir Reykjastönd á malarvegi meðfram sjónum með gott útsýni yfir fjörðinn ca. 16 km að Reykjum og stoppað þar. Hjólað til baka eftir gott stopp þar sem hægt er að taka sólarhæðina og plana næstu daga.

 

Fararstjóri Þorgerður G. Jónsdóttir

Sendið póst á This email address is being protected from spambots. You need JavaScript enabled to view it. til að skrá ykkur og fá frekari upplýsingar.

Íslenski fjallahjólaklúbburinn,
Brekkustíg 2,
101 Reykjavík. 

 

Netfang: ifhk@fjallahjolaklubburinn.is
Kt. 600691-1399
Banki: 515-26-600691