Í dag verða opnaðar sérmerktar hjólaleiðir eftir Hverfisgötu. Sunnanmegin er búið að merkja fagurgræna hjólarein þar sem áður voru bílastæði. Einnig hafa verið útbúnir rampar þar sem leiðin liggur sumsstaðar yfir útskot í gangstéttinni. Hjólareinin er ekki óslitin alla leið enda er hér eingöngu um tilraunaverkefni að ræða. Norðanmegin hafa verið málaðir hjólavísar til að minna ökumenn á að þeir deila götunni með hjólandi umferð og að bæði ökutækin eiga jafnan rétt á götunum.
Það er verið að prófa margt nýtt í þessari tilraun þó margt af þessu þyki sjálfsagt og hversdagslegt erlendis. Lausnir fyrir hjólaleiðir þarf alltaf að aðlaga umhverfi sínu og þá er gott að prófa sig áfram, skapa umræðu og safna reynslusögum.
Hans Heiðar Tryggvason kynnti verkefnið í klúbbhúsi Fjallahjólaklúbbsins 19. ágúst Hann vill gjarnan heyra frá okkur hvernig okkur líka útfærslurnar, hvað og hvernig má gera betur, hvernig upplifunin er að hjóla eftir Hverfisgötunni með þessum merkingum. Netfangið er:
Hér eru fyrstu myndirnar af Hverfisgötunni með hjólareinum, hjólaboxum við gatnamót, hjólavísum og skemmtilegum doppum. Við sem skoðuðum þetta vorum stórhrifin af þessu framtaki. Merkingarnar sýna að reiðhjólið er velkomið og við hvetjum alla til að prófa að hjóla eftir þessum leiðum. Tilraunin stendur út september og stendur til að kynna verkefnið betur á næstunni og í Samgönguviku.
Smellið hér til að sjá allar myndirnar
Hér er önnur frétt um þessa tilraun
