Klúbburinn samanstendur af breiðum hópi fólks sem hefur hjólreiðamenningu að áhugamáli, vill auka veg reiðhjólsins sem samgöngutækis og vinnur að bættri aðstöðu hjólreiðafólks til samgangna. Markmiðið er að fá sem flesta til að fara ferða sinna á hjóli og komast í náið samband við móður náttúru, takast á við hana, skilja hana og virða.

Allar betri verslanir með hjól, útivistarvörur og fleira veita félagsmönnum okkar veglega afslætti, sem eru fljótir að borga upp félagsgjaldið.

dscf1317ww.jpgKlúbburinn er með opið hús á fimmtudögum kl 20:00 í klúbbhúsinu, Brekkustíg 2. Þar gefst kostur á að kynnast öðru fólki með svipuð áhugamál yfir kaffibolla og tala um heima og geima, eða verða sér út um upplýsingar um athyglisverðar hjólaleiðir, tæknileg málefni eða hvað eina tengt hjólreiðum.  

namskeid.jpgÍ klúbbhúsinu er að finna veglegt safn bóka og tímarita sem fjalla um flest það er tengist málefnum hjólreiðamanna auk ferðamennsku og umhverfismála. Þar kemst fólk í viðgerðaraðstöðu, meðlimum að kostnaðarlausu. Því er það gullið tækifæri að yfirfara reiðhjólið og fá tilsögn frá sér reyndara fólki. Það eru nefnilega ekki allir sem kunna að skipta um dekk og bremsupúða eða stilla gíra. Hvað þá teina upp gjarðir eða skipta um olíu í dempara.

Einnig höfum við staðið fyrir léttum hjólaferðum um höfuðborgina á þriðjudagskvöldum frá maí og fram í september í mörg ár, ásamt ferðalögum og ýmsum viðburðum. Skoðið dagskrána til að sjá hvað er í gangi. 

Ef þú vilt hafa samband er best að senda póst eða hringja beint í stjórn. félagsins en almennar fyrirspurnir má senda á netfang klúbbsins This email address is being protected from spambots. You need JavaScript enabled to view it..

Íslenski fjallahjólaklúbburinn, Brekkustíg 2, 101 Rvk 

Kennitalan er 600691-1399

Ef þú vilt styrkja klúbbinn fjárhagslega eru öll framlög vel þegin.
Aðal bankareikningur klúbbsins er 515-26-600691

Skoðanir greinahöfunda eru þeirra eigin og endurspegla ekki endilega skoðanir stjórnar, ritnefndar eða annarra félaga ÍFHK.

 

virkum eigin orku