Dagsferð. Hjólað verður frá Sundhöll Hafnarfjarðar eitthvað upp fyrir bæinn, að Hvaleyrarvatni og skoðaðir fáfarnir slóðar.  Lengd ferðar fer eftir veðri og vindum og verður nokkuð byrjendavæn, búast má við allt að 50 km, 3-4 tímum.  Svo verður endað í heitu pottunum í Sundhöll Hafnarfjarðar við Herjólfsgötu.

Farið verður af stað frá Sundhöll Hafnafjarðar um kl. 11 og endað þar. Þeir sem vilja geta síðan farið í laugina af ferðinni lokinni.
 
Byrjað verður á því að fara út að Garðaholti og þaðan síðan þvert yfir Álftanesið að Álftanesvegi. Þaðan verður síðan hjólað eftir göngustígum að Fjarðarkaupum og inn í iðnaðarhverfið og síðan að Ikea.
 
Eftir það verður farið eftir stíg þaðan upp á Heiðmerkurveg. Þar verður hjólað í átt að Hveleyrarvatni. Þegar kemur að afleggjaranum að Hvaleyrarveatni verður skoðað eftir hópnum og veðri hvort skotist verður upp í Kaldársel eða farið beint að Hvaleyrarvatni þar sem hjólað verður meðfram vatninu inn á Krísuvíkurveg. Þaðan verður svo hjólað inn að og í gegnum Vallarhverfi og þaðan niður að smábátahöfninni.
 
Þaðan verður síðan hjólað sem leið liggur inn í Sundhöll og þeir sem vilja geta síðan slakað á í heita pottinum þar.
 
Kveðja
Siggi

Jóna Hildur Bjarnadóttir sviðsstjóri almenningsíþróttasviðs ÍSÍ verður í klúbbhúsinu næstkomandi fimmtudag og mun kynna átakið hjólað í vinnuna. Allir áhugasamir hjólreiðamenn eru hvattir til þes að reka inn nefið. Rjúkandi kaffi og góðmeti fyrir þá sem mæta.

 Það verða margar spennandi ferðir á dagskránni 2013, bæði nýjar og gamlar. Ferðirnar verða auglýstar nánar á vef og póstlista ÍFHK þegar nær dregur ásamt öðru í fjölbreittri starfsemi klúbbsins. En hér er stutt kynning á því markverðasta:

Á opnu húsi á fimmtudaginn verður sýnt kvikmynd sem tekin var í hjólaferð um Karpatafjöllin 2011. Allir velkomnir meðan húsrúm leyfir. Klúbbhúsið Brekkustíg 2 opnar kl 20:00 og myndin fer í gang um kl 20:20. Nánar um myndina:

Við félagarnir, ég, Óli bróðir og Tómas Sölvason höfðum aðeins hjólað inn í Úkraínu, er við fórum um sjö lönd austur-Evrópu sumarið 2009.

 Landssamtök hjólreiðamanna, Mannvit og Alta hlutu samgönguviðurkenningu Reykjavíkurborgar sem veitt er í tengslum við evrópsku samgönguvikuna sem haldin er 16. – 22. september ár hvert. Dómnefndin byggir val sitt á árangri og aðgerðum sem m.a. draga úr umferð bíla og einfalda fólki að nýta sér virka ferðamáta m.a. hjóla og ganga.  Landssamtök hjólreiðamanna (LHM) eru heiðruð fyrir virka þátttöku og áhrif í að efla hjólreiðar á Íslandi. Samtökin hafa með ákaflega uppbyggilegum hætti unnið með Reykjavíkurborg.  

Alþingi samþykkti 28. desember s.l. breytingar á lögum um tvö mál sem lengi hafa verið baráttumál samtakanna og hefur ítrekað verið bent á af hálfu þeirra í umsögnum og á fundum með ríkisvaldinu.

Breyting var gerð á tollalögum sem fellir niður tolla á reiðhjólum frá og með 1. mars 2013 en  10% tollur hefur verið á reiðhjólum frá löndum utan EES.

Fimmtudaginn 18. apríl verður annað viðgerðarnámskeið þessa vors. Farið verður yfir gíra og notkun þeirra, gírhlutföll útskýrð og farið yfir stillingu gíranna. Ef tími vinnst til verður farið í legur. Hvenær á að opna þær, hreinsun og samansetning.

Heitt á könnunni og meðlæti á staðnum. Gott tækifæri fyrir þá sem vilja geta gert sinnt viðhaldi að einhverju leyti sjálfir.

Klúbbhúsið Brekkustíg 2 opnar kl. 20.

Ágæti viðtakandi! Fyrir neðan er slóð á spurningalista sem er hluti af BS lokaverkefni mínu við Háskóla Íslands. Markmið þessarar rannsóknar er að leggja mat á ímynd reiðhjólavörumerkja. Rannsóknin skiptist í tvo hluta. Vinsamlegast lesið vel leiðbeiningar sem fylgja hvorum hluta. Farið verður með öll gögn sem trúnaðarmál og ekki er hægt að rekja svör til þátttakenda.

Könnunin tekur einungis örfáar mínútur. Ímynd reiðhjólavörumerkja

Með fyrirfram þökk fyrir þátttökuna.
Inga Rut Jónsdóttir This email address is being protected from spambots. You need JavaScript enabled to view it.

Michael Tran ætlar að heimsækja okkur í klúbbhúsið á fimmtudagskvöld og kynna fyrir okkur verkefni sitt þar sem fjallað er sjónrænt um hjólaferð hans frá París til München 2005. Hann er á þriðja ári í grafískri hönnun við Listaháskólann.

Hann mun fjalla um ferðina þar sem hann hjólaði meðal annars upp up Alpe-d'Huez og Col du Galibier og síðan velta upp spurningunni um hvernig hægt er að miðla þeirri upplifun og hjólaferðum almennt til vina og fjölskyldu. Hvaða myndform hentar best? Hvernig miðlar maður ferðalaginu? Hvernig miðlar þú þeim tilfinningum og hugsunum sem renna huga þinn á ferðalaginu?

Verkefnið verður síðan sýnt í Listasafni Reykjavíkur seint í apríl í sinni endanlegu mynd og gætu viðbrögð okkar haft áhrif á endanlegu útgáfuna. Þessi dagskrá fer fram á ensku.

Frá Alicante til Santiago de Compostela.
Að láta draumana rætast.
Síðastliðið haust hjólaði félagi Ingibergur  eina af mörgum pílagrímaleiðum til hinnar heilögu borgar Santiago de Compostela. Leiðin sem farin var er 1350 km löng og  gengur meðal annars  undir nafninu Camino de Levante.

Fimmtudaginn 21 mars sýnir Ingibergur myndir úr ferðinni í klúbbhúsinu okkar að Brekkustíg 2. Hér er tilvalið tækifæri til að fræðast og fá hugmyndir að næsta sumarfríi hvort sem farið er á reiðhjóli eða fótgangandi. Húsið opnar kl. 20.

Félagsgjöldin eru komin í heimabanka flestra og sumir búnir að borga. Þau eru óbreytt frá því löngu fyrir hrun, aðeins 2000 kr eða 3000 kr fyrir alla á heimilinu.

Við viljum hvetja fólk að borga sem fyrst því þá getum við sent nýtt félagskírteini með Hjólhestinum og sparað klúbbnum auka póstburðargjöld. Glænýr Hjólhestur bíður í prentsmiðjunni, óvenju stór og pattaralegur enda stútfullur af efni.

Kaffikarlinn verður á staðnum og reiðir fram bolla til kaffiþyrstra. Þema þessa kaffihúsakvölds verður All Mountain hjólreiðar. Kaffikarlinn er mjög hrifinn af þeirri gerð hjólreiða og mun hafa stutta kynningu og ræða við gesti og gangandi um þær. Kaffikarlinn

Kristý á afmæli og ætlar að vera með kjötsúpu næsta fimmtudagskvöld í klúbbhúsinu.

Venju samkvæmt hefst vinna við fréttabréfið okkar Hjólhestinn núna eftir hátíðarnar og auglýsum við nú eftir efni. Það er laust pláss fyrir ferðasögur, reynslusögur og ýmisskonar pistla.
Það væri t.d. gaman að heyra frá einhverjum sem byrjaði nýlega að nota hjólið sem samgöngutæki og heyra hvað dreif viðkomandi af stað og hver reynslan hefur verið. Það má líka fjalla um ferð með klúbbnum eða aðrar skemmtielgar hjólaferðir.

Bjartur og 3SH ætla að taka höndum saman og halda samhjól á gamlársdagsmorgun. Hjóluð verður skemmtileg leið sem hentar öllum og eftir túrinn verður þátttakenndum boðið í heitu pottana í Sundhöll Hafnarfjarðar.

Lagt verður stundvíslega af stað kl. 09:30 frá Sundhöll Hafnarfjarðar. Hjólað verður í ca. einn og hálfan klukkutíma, á hraða sem hentar öllum og verður hópnum reglulega safnað saman.

Aðventukvöld verður haldið fimmtudaginn 13. desember. Kaffimeistarinn verður á staðnum ásamt vöfflumeistaranum. Eigum saman notarlega kvöldstund. Viðgerðaraðstaðan opin. Klúbbhúsið Brekkustíg 2 opnar kl. 20.

Næsta fimmtudagskvöld er kaffihúsakvöld og verður að vanda boðið upp á gott kaffi. Einhverjar sérstaklega góðar baunir verða valdar í þetta sinn.
Í haust var hugmyndasamkeppni um skipulag Öskjuhlíðar. Undirritaður sendi ásamt félögum inn tillögur að hjólasvæði í Öskjuhlíð. Var tillagan valin í hóp tíu tillagna sem verðlaun hlutu. Ég ætla að kynna tillögurnar á fimmtudaginn og spjalla um Öskjuhlíð og hjólasvæði. Sjáum svo hvert spjallið leiðir okkur. Klúbbhúsið Brekkustíg 2 opnar kl. 20.

Arnaldur

Það verður kompukvöld síðasta fimmtudag nóvembermánaðar og það hefur frést að nokkrir þungavigtarmenn úr bransanum komi vel klyfjaðir svo að nú er eins gott að mæta og gera kaup ársins í hjóladóti.
Klúbbhúsið Brekkustíg 2 opnar kl. 20.

Ágætu félagar. Fimmtudaginn 22. nóvember verður opið hús hjá Fjallahjólaklúbbnum og gestir kvöldsins eru stofnendur nýjustu hjólabúðarinnar í bænum, Reiðhjólaverslunarinnar Berlín, sem hóf göngu sína í júlí sl. Hún sérhæfir sig í klassískum hjólum og fatnaði, allt frá sokkum upp í vetrarfrakka, sérstaklega ætlað fyrir borgarhjólreiðar. Klúbbhúsið Brekkustíg 2 opnar kl. 20.
Viðgerðaraðstaðan verður sem endranær opin á neðri hæðinni. Verið velkomin. Þökk fyrir og sjáumst