Í apríl heldur Fjallahjólaklúbburinn þrjú viðgerðanámskeið á reiðhjólum. Námskeiðin eru haldin fimmtudagana 5., 12. og 19. apríl í félagsaðstöðu klúbbsins að Brekkustíg 2. Húsið opnar kl. 20 og námskeiðin hefjast stundvíslega kl. 20:15 á verkstæðinu á jarðhæð. Uppi verður að vanda boðið upp á kaffispjall og léttar veitingar í kaffihléi.

lhm.gif Aðalfundur LHM verður haldinn miðvikudaginn 21. mars næstkomandi kl. 20:00 í sal A í húsnæði ÍSÍ Engjavegi 6 í Laugardal. Hægt er að láta vita af komu á aðalfund á viðburði á svæði LHM á Fésbókinni.

Kjörgengi og atkvæðarétt hafa allir félagsmenn þeirra félaga sem aðild eiga að LHM. Íslenski fjallahjólaklúbburinn og Hjólreiðafélag Reykjavíkur eru nú aðildarfélög að LHM.

Sjá nánar hér:  Aðalfundur Landssamtaka hjólreiðamanna

KlúbbhúsiðUndirritaður ætlar að bjóða upp á gott kaffi og segja frá nokkrum góðum leiðum sem hann hefur hjólað Undanfarin tvö sumur. Því miður hef ég aldrei myndavél í för svo myndir verða ekki í boði en vonandi get ég glatt einhverja með frásögn af skemmtilegum leiðum.
Arnaldur

almost-all-lights.jpgÞað er nauðsynlegt að hafa góð ljós á hjólunum stóran part ársins og lengi vel vorum við með ýtarlegar úttektir á gæðum ljósa í Hjólhestinum. Hér er ágæt úttekt á 16 afturljósum frá ýmsum framleiðendum og ættu Íslendingar að kannast við sum þeirra.

Aðalatriðið er kannski hversu mikill munur er enn á ljósunum og að enn er verið að selja hálf gagnslaus ljós því miður innan um stórgóð ljós eins og sést á ljósstyrknum sem mældur er frá 800 og upp í 23000.

Arnaldur reiðir fram kaffi af miklu listfengi á efri hæðinni.  Viðgerðaaðstaðan opin á neðri hæðinni.

Nýr Hjólhestur er koinn úr prentsmiðju og vantar okkur aðstoð við að pakka honum og greiðsluseðlum fyrir póstsendingu. Það væri gaman að fá sem flesta til aðstoðar.  Boðið verður upp á pizzu og gos.

Félagsgjöldin eru komin í heimabanka flestra og sumir búnir að borga. Við viljum hvetja fólk að borga sem fyrst því þá kemur nýtt félagskírteini með Hjólhestinum og við spörum okkur auka póstburðargjöld. Annars er bara glænýr Hjólhestur að leggja af stað til ykkar með greiðsluseðilinn.

Þau ykkar sem ekki eruð félagsmenn ættuð að kíla á það að ganga í klúbbinn og styðja við bakið á okkur. Það kostar litlar 2000 kr sem sparast fljót með þeim afsláttum sem bjóðast gegn framvísun félagsskírteina. Sjá nánar hér .

Stjórnin

Á málþinginu verður fjallað um tækifærin sem fólgin eru í hjólaferðamennsku, hver staðan er á Íslandi í dag og hvað við þurfum að gera til að geta nýtt þessi tækifæri. 

Málþingið er liður í verkefninu Hjólaleiðir á Íslandi sem er samstarfsverkefni fjölmargra aðila, um að skilgreina landsnet hjólaleiða á Íslandi og fleira því tengt.

Dagskrána og nánari upplýsingar má sjá á vef Landssamtaka hjólreiðamanna: Tækifæri í hjólaferðamennsku á Íslandi, málþing

Fimmtudaginn 16. febrúar næstkomandi mun ferðanefnd Fjallahjólaklúbbsins kynna ferðir sumarsins, dags- og helgarferðir.  Dagskráin er fjölbreytt og freistandi og allir ættu að finna ferð við sitt hæfi. Fyrsta ferðin verður ferð á Úlfarsfell.  Nánari upplýsingar um hverja ferð er að finna á dagatali klúbbsins .
Heitt á könnunni og viðgerðaaðstaðan opin á neðri hæðinni. 

Kynningin hefst kl 20:30 að Brekkustíg 2.

Farið verður létt í fræðin fimmtudagskvöld 9. feb. Sýnt verður hvernig teina á gjarðir og ýmsar útfærslur og hefðir fyrir mismunandi tilefni. Sýndir verða mismunandi teinar og nipplar frá nokkrum framleiðendum, hersla og lögun.Ef tími vinnst til í lokin fær fólk að spreyta sig við að herða upp og yfirfara sínar eiginn gjarðir undir leiðsögn.

Við erum að fara yfir afslætti sem félagsmenn fá gegn framvísun félagsskírteinis og voru tvö ný fyrirtæki að slást í hópinn. Tri og Mataskur

Hjólhesturinn Við minnum á að það er laust pláss fyrir ferðasögur, reynslusögur og ýmisskonar pistla. Þetta verður hefðbundið fréttabréf en ekki „Hjólreiðabæklingur fullur af dönskum dömum“ eins og einhver komst að orði um sérútgáfunar í fyrra og 2010.

Það væri gaman að heyra frá einhverjum sem byrjaði nýlega að nota hjólið sem samgöngutæki, hugsanlega eftir innblástur úr Hjólreiðabæklingunum sem við höfum dreift samhliða Hjólað í vinnuna keppninni síðustu tvö vor.

Það má líka fjalla um ferð með klúbbnum eða aðrar skemmtielgar hjólaferðir.

Skilafrestur á efni er út mánuðinn. Þó væri gott að heyra sem fyrst frá þeim sem eru með efni í undirbúning. Hver síða rúmar 6-700 orð / 3200-3500 slög en minna með myndum. - Það er skemmtilegra að hafa myndir með og reynum við að hafa amk. eina flotta opnumynd ef að líkum lætur. Eldri Hjólhesta má lesa hér..

Einnig vantar okkur aðstoð við að afla auglýsinga til að fjármagna blaðið.

Ritnefnd This email address is being protected from spambots. You need JavaScript enabled to view it.

rvk-hjolavisarJHJ_044cr.jpg Fimmtudaginn 26. jan verður opið hús þar sem góðir gestir frá Reykjavíkurborg mæta og hafa framsögu um hjólreiðar í borginni. Þetta eru Karl Sigurðsson formaður umhverfis- og samgönguráðs, og varaformaður ráðsins, Kristín Soffía Jónsdóttir. Þau ræða stefnu borgarinnar í hjólreiðamálum og hvernig þau sjá fyrir sér framtíðarskipulag samgöngumála þar sem saman fara ólíkir samgöngumátar. Og sitthvað um snjómoksturinn góða.  Við vonumst til að sjá sem flesta og nú er tækifærið til að spyrja fulltrúana út í málin.

Af þessu tilefni má minna á að hlusta má á framsögu og horfa á glærur Dags B. á ráðstefnu LHM síðasta haust þar sem hann kynnti ýmisar nýjar áherslur hjá Reykjavíkurborg. Allar glærur og hljóðupptökur má nálgast hér áf vef Landsamtakanna: Hjólum til framtíðar, ráðstefna um eflingu hjólreiða til samgangna 

Húsnefndin er búin að taka saman dagskrá fyrir klúbbhúsið okkar og verður ýmislegt nýtt í bland við sígild myndakvöld, námskeið og kaffihúsakvöld.

Dagskráin er komin á dagatalið okkar ásamt vikulegum hjólaferðum LHM frá Hlemmi þar sem allir fá leiðsögn í tækni samgönguhjólreiða.

Góðan daginn.

Minni á opið hús í kvöld. Ný gögn frá Reykjavíkurborg um snjómokstur verða til sýnis og umræðu. Við getum kallað þetta undirbúning fyrir heimsókn til okkar frá fulltrúa borgarinnar sem verður auglýst síðar. Allir áhugamenn um málefnið eru hvattir til að mæta. Sem fyrr er viðgerðaraðstaðan opin og kaffi og meðþví á baðstofuloftinu.

Húsnefnd

l_image4ef16b4e9c3f4.jpgÚt var að koma hjá Vestfirska forlaginu handbók um hjólreiðaleiðir á Vestfjörðum og kemur hún hjólreiðafólki í góðar þarfir þegar sumrar. Þar eru meðal annars lýsingar á nokkrum leiðum sem liggja um Reykhólahrepp. Handbókin heitir Hjólabókin og undirtitill er Dagleiðir í hring á hjóli. Höfundur er Ómar Smári Kristinsson á Ísafirði. Í riti þessu, sem er nýlunda hérlendis, er að finna ítarlegar upplýsingar um fjórtán freistandi dagleiðir í hring á hjóli.

mbl-111227.jpg Hrönn Harðardóttir lætur snjóinn og slabbið ekki aftra því að hún hjóli í vinnuna á degi hverjum. Á síðasta ári hjólaði hún 6000 kílómetra yfir árið en það jafngildir tæplega fjórum og hálfri ferð umhverfis landið. En talið er að þeir skipti hundruðum sem nýti sér þennan samgöngumáta að staðaldri.

jolahjolasveinn.jpg

Fjallahjólaklúbburinn býður til samkomu fimmtudaginn 15. desember næstkomandi til að fagna því að daginn fer bráðum að lengja.

Boðið verður upp á ungverska hjólasúpu að hætti Einars hjólahvíslara og óvæntum gestakokki.

Einnig verður boðið upp á kaffi, espresso og piparkökur ásamt vöfflum að hætti Árna "hjólapostula". Ef hugurinn leitar annað þá er ekki bannað að koma með eitthvað með sér. Hugsanlega má grípa í spil eða stoppa í gamla sokka.

Húsið opnar klukkan 19:15 og er opið gegnum og gangandi. Þetta verður afar ódýrt og líklega bara frjáls framlög í baukinn, 3-500 kr.

22. og 29. des verðum við í jólafríi og því verður ekki opið hús þá daga en við opnum aftur 5. janúar kl. 20 eins og venjulega.

Húsanefnd

Fimmtudaginn 8. des. verður kynning í klúbbhúsinu Brekkustíg 2 á ljósum, t.d. nýju ljósi Urban 500 fra Light and Motion sem er ótrúlega öflugt miðað við verð. Allir áhugamenn eru hvattir til að mæta því að alvöru ljós þurfa alls ekki að kosta mjög mikið.

Nánar hér: http://www.bikelights.com/urban500.html

Húsið opnar kl. 20:00

Í næstu viku er svo fyrirhugað aðventukvöld í klúbbhúsinu. Nánar um það seinna en takið frá fimmtudaginn 15. des.

Kveðja,
Húsnefnd

Samhjól er hjólaviðburður sem er opinn öllum og ókeypis. Fjölmargir hjólahópar eru starfandi og þessi viðburður er hugsaður til að sameina litlu hópana í einn stóran það skiptið. Allir eru velkomnir óháð styrkleika

dscf1317ww.jpg Núna á fimmtudagskvöldinu verður kompukvöld í klúbbhúsinu Brekkustíg 2. Kompukvöld er sölu og skiptimarkaður fyrir allt sem tengist hjólreiðum, búnaður og föt og jafnvel heilu hjólin. Undanfarin ár hafa þessi kvöld verið hin líflegustu og margir gert mjög góð kaup. Heitt á könnunni og léttar veitingar. Líflegt spjall og góður félagsskapur. Húsið verður opið kl 20:00 - 22:00.

Húsnefnd.

 

Núna er tími til að njóta fagurra haustlita í góðum félagsskap.  Hjóluð verður Nesjavallaleið yfir að Þingvallavatni, niður Grafninginn, framhjá Þingvallavatni, Úlfljótsvatni og að Álftavatni, þar sem gist verður í góðum bústað.  Uppábúin rúm, heitur pottur, hægt að róa út á vatnið, grill og kósíheit.