Núna er tími til að njóta fagurra haustlita í góðum félagsskap. Hjóluð verður Nesjavallaleið yfir að Þingvallavatni, niður Grafninginn, framhjá Þingvallavatni, Úlfljótsvatni og að Álftavatni, þar sem gist verður í góðum bústað. Uppábúin rúm, heitur pottur, hægt að róa út á vatnið, grill og kósíheit.
Möguleiki á að dóti verði skutlað, en það þarf ekki mikinn farangur með, tannbursta, sundföt, lítið handklæði, nesti til 2ja daga, eitthvað á grillið og drykkjarföng. Við munum koma við á Hótel Hengli og fá okkur kakó eða snarl.
Fólk þarf að vera í góðu hjólaformi og vant ferðalögum á reiðhjóli. Það er haust og það má búast við alls konar veðri og ferðatíminn dragist á langinn. Svo má vera að einhverjar brekkur verði á leiðinni, það getur blásið aðeins á okkur, jafnvel rignt. Kannski snjóað. Ef það verður hálka á spákortum gæti þurft nagladekk. Þetta eru u.þ.b. 65 km frá Reykjavík að Álftavatni, þar af 20 km á þokkalegum malarvegi.
Kostnaður fer eftir þáttökufjölda, en verður hámark 2.000 kr á mann.
Upplýsingar og skráning hjá This email address is being protected from spambots. You need JavaScript enabled to view it. eða í síma 823-9780. Brottfarartími og nákvæm hjólaleið verður gefin út þegar nær dregur.
Bestu kveðjur,
Ferðanefnd