Þriðjudagskvöldferðin 26. maí verður um Elliðaárdalinn og Laugarnesið. Lagt verður af stað kl 19:00 frá Fjölskyldu og húsdýragarðinum. Létt og þægileg fjölskylduferð þar sem áherslan er lögð á að hjóla og njóta þess sem borgin hefur uppá að bjóða. Bjarni Helgason fer fyrir ferðinni og segir frá.

Ferðanefnd.

Í kvöld 21. maí verður opið hús eins og venjan er á fimmtudögum. Heitt á könnunni og viðgerðaraðstaðan opin.

Nú er komið að hinni árlegu ferð klúbbsins á Nesjavelli. Þetta er fyrsta ferð sumarsins og er oft fyrsta hjólaferðalag þeirra sem taka þátt, því hún hentar sérstaklega vel nýliðum jafnt sem lengra komnum. Frábært tækifæri til að stíga skrefið í góðum hópi og öðlast reynslu í að ferðast á hjóli og læra um leið af öðrum.

Við hittumst 16. maí við Árbæjarsafni klukkan 13:00 og leggjum af stað þaðan. Til skrá sig í gistingu þarf að hafa samband við Nesbúð beint og panta gistingu í síma: 482 3415. Mundu að taka fram að þú sért með Fjallahjólaklúbbnum til að njóta sérkjara sem gengur fyrir hópinn. Tilboð í Fosshótel Nesbúð þessa helgi er:

Í 2. útgáfu af Staðardagkrá 21 fyrir Reykjavík undir heitinu „Reykjavík í mótun“ má lesa um mjög hjólavæn markmið og leiðir að þeim. Staðardagskráin var samþykkt í borgarstjórn Reykjavíkur 16. maí 2006 en hún var nýlega endurútgefin og ef þið hafið ekki kíkt á hana áður þá er kannski kominn tími til. Okkur finnst kannski stundum hægt ganga í framfara átt en eins og reynslan sýnir getur borgað sig að vanda til verka. Í þessari stefnumótun í átt að sjálfbæru samfélagi í Reykjavík til 2015 koma fram eftirfarandi punktar meðal annars:

Í langri samstarfsyfirlýsingu ríkisstjórnar Samfylkingarinnar og Vinstrihreyfingarinnar – græns framboðs leynast þessar línur sem kannski gefa okkur von um greiðari framtíðarleiðir.

Unnin verði áætlun um sjálfbærar samgöngur í samvinnu við sveitarfélögin, með það að markmiði að draga úr þörf fyrir einkabílinn. Í slíkri stefnu verði almenningssamgöngur um allt land stórefldar og fólki auðveldað að komast leiðar sinnar gangandi eða á reiðhjóli. Almenningssamgöngur verði sjálfsagður hluti samgönguáætlunar. 

Nú hefur verið dregið úr innsendum þátttökuseðlum í ratleik Íslenska fjallahjólaklúbbsins á Ferðafagnaði 18. apríl sl. Ríflega 70 þátttökuseðlar skiluðu sér í hús og þó nokkuð um að þátttakendur væru að hjóla endastöðva á milli, sem teygði sig yfir 50 km á milli Ástorgs í Hafnarfirði og Korpúlfsstaðagolfvallar í Reykjavík. Svo þeir hafa líklega fengið sér 70 - 80 km hjólatúr yfir daginn með því að koma sér til og frá heimilum sínum.

Það er ánægjulegt að upplifa gróskuna í starfi klúbbsins og oft í viku er eitthvað að gerast á vegum hans.
Þriðjudagsferðirnar hófust í bongóblíðu og með góðri mætingu við Fjölskyldu- og húsdýragarðinn í Reykjavík í gærkvöldi. Það voru hátt í 30 manns sem hámuðu í sig nýbakaðar vöfflur í klúbbhúsinu eftir að hafa hjólað Fossvoginn vestur í bæ.
Næsta þriðjudag verður lagt upp frá sama stað á sama tíma; kl. 19 og farinn Breiðholtshringur og síðan halda ferðirnar áfram vikulega fram á haust.

Á fimmtudaginn - 7. maí, kl. 20 - verður kynning að ferðinni í Nesjavelli. Allir sem áhuga hafa á að taka þátt í Nesjavallaferðinni eru hvattir til að líta við í klúbbhúsinu á fimmtudagskvöldið; sýna sig og sjá aðra og spyrja um allt það sem praktískt er og gott að vita fyrir svona gistileiðangur á hjóli. Magnús Bergsson mun kynna ferðina og svara spurningum fólks. Auk þess er lag að kíkja aðeins á gírana, smyrja keðjuna og blása loft í dekkin á verkstæðinu eftir kynningu.

Sunnudagurinn 10. maí verður sögulegur hjólasunnudagur í sögu ÍFHK.
Fyrsta sérlega barna- og fjölskylduhjólaferðin verður farin úr Laugardalnum; nánar tiltekið kl. 11 frá Fjölskyldu- og húsdýragarðinum.
Þessi ferð er hugsuð fyrir alla á eigin hjóli frá 7 ára aldri með fjölskyldum sínum. Við biðjum alla að koma með gott nesti með sér og ef vel gengur, þá borðum við nestið í Geldinganesi. Þangað stefnum við og ætlum að skoða saman eyjuna áður en við hjólum aftur í Laugardalinn.
Þeir sem vilja geta skellt sér í sund við heimkomuna en við áætlum að vera 3 - 4 klukkutíma í ferðinni og fara rólega yfir.
Önnur ferð á vegum klúbbsins verður farin fyrr um daginn; þá hittast öllu vanari kappar við Víkingsheimilið kl. 9.30 og hjóla um borg og bý. Þessi hópur mun væntanlega hjóla til móts við fjölskylduhjólahópinn og þá verður þetta væntanlega býsna glæsileg fylking!

Fimmtudaginn 14. maí langar stjórn ÍFHK að bjóða í klúbbhúsið til fundar öllum þeim félagsmönnum sem langar að koma að skipulagi við afmælisdagskrá félagsins í júlí nk. Þann 5. júli verður klúbburinn 20 ára og viljum við gera eitthvað sérstakt í tilefni þessa. Fundurinn hefst kl. 20 og að sjálfsögðu boðið upp á kaffi og með því :-)

Svo hlökkum við bara til þess að sjá hvert annað á hjólinu á leið til og frá vinnu næstu vikurnar. Hvetjum vinnufélagana með okkur í þátttöku í Hjólað í vinnuna og munið að hver sá sem sleppir bílnum einn dag á þessum tíma; gerir útiloftið hreinna handa okkur öllum :-)

Brosum og njótum þess að hjóla!

Vikulegar þriðjudagshjólaferðir klúbbsins hefjast nk. þriðjudag. Það verður lagt af stað kl. 19.00 frá aðalinngangi Fjölskyldu - og húsdýragarðsins. Við reynum með þessu móti að nota dagsljósið betur - færum okkur fram frá því sem verið hefur - og viljum byrja ferðirnar frá einum af fallegustu stöðum borgarinnar. Ferðanefndin vonar að trúir og dyggir þriðjudagshjólarar séu sáttir við þessar breytingar og ekki síður óskum við þess að fleiri sjái sér fært að koma með út að hjóla. Fyrsta ferðin verður á léttum nótum; við komum saman, skráum í þriðjudagshjólabikarbókina hverjir eru mættir og rúllum svo vestur í bæ um Fossvoginn og fáum okkur kaffi og vöfflur í klúbbhúsinu:-)

Það var notaleg stemming í blíðunni í Vesturbænum þegar klúbburinn bauð upp á vorhátíð sína þetta árið. Garðar mætti með grillið og fólkið streymdi að. Börnin sem léku sér í kringum húsið tóku vel við sér. Komu í heimsókn létu sér vel líka við hjólafélagið í götunni sem bauð upp á pylsur og kók. Félagar ÍFHK komu á hjólum sínum og nutu samverunnar. Nýstárleg íslensk smíð á bögglaberum var til sýnis á verkstæðinu og fáum við væntanlega fljótlega nánari kynningu á þeirri völundarsmíð. Kvöldið var fagurt og sjálfsagt komið vor í Vaglaskóg:-) Smellið á myndina til að sjá fleiri myndir.

Nú þegar hjólin eru orðin vel smurð, búið að fara á viðgerðanámskeið og farið að huga að fyrstu ferðalögum sumarsins, er lag að koma með góða skapið á vorfagnað ÍFHK í klúbbhúsinu fimmtudaginn 30. apríl. Öll frjáls tóndæmi eru hjartanlega velkomin, hvort heldur fólk fremji þau með sínu eigin nefi eða framkalli þau með verkfærum. Léttmeti verður á grillinu, söngur og gleði.
Allir koma á nýbónuðum hjólunum sínum og þeir sem standa við grillið mega dást að gripunum; hinir chilla á baðstofuloftinu. Nánar um fleiri smáatriði í næstu viku en þangað til; takið frá kvöldið og hlakkið til:-)

Síðasta viðgerðarnámskeið þessa vors er á fimmtudaginn - Sumardaginn fyrsta - í klúbbhúsinu að Brekkustíg 2. Magnús Bergs, Darri og Garðar verða á gólfinu og munda verkfærin með áhugasömum en á efri hæðinni verður Árni Guðmundur að teina vöfflur og baka gíra; hvernig svo sem það bragðast fólki:-) Húsið opnar kl. 20. Þetta er kjörið tækifæri fyrir alla í félaginu til þess að koma og kynna sér starfsemi klúbbsins og aðstöðuna í klúbbhúsinu. Kaffi og með því á baðstofuloftinu.

Íslenski fjallahjólaklúbburinn stóð fyrir heilmiklum ratleik eftir strandlengjunni á milli Korpúlfsstaðagolfvallar og að Ástorgi í Hafnarfirði. Til þess að vera fullgildur þátttakandi í leiknum var nóg að finna 5 - 10 pósta og heimsækja nokkur fyrirtæki á Ferðafagnaði. En fjöldi keppenda gerði gott betur og fóru margir alla póstana 34 og hafa þá hjólað um 50 km leið. Auk þess má gera ráð fyrir að fólk hafi þurft að hjóla til og frá heimilum sínum svo margur hlýtur að hafa hjólað allt að 80 km þennan dag til þess að taka þátt í ratleiknum.

Enn er hægt að skila inn þátttökuseðlum. Það er hægt rafrænt á This email address is being protected from spambots. You need JavaScript enabled to view it. - eða skila þeim inn á Höfuðborgarstofu, Aðalstræti 2, 101 Reykjavík. Dregið verður úr innsendum þátttökuseðlum í beinni útsendingu á Rás 2, 2. maí nk. og listi yfir vinningshafa verður birtur á vef klúbbsins.

Stærsti ratleikur vorsins; Öll strandlengja Höfuðborgarsvæðisins með í Ferðafagnaði

Umhverfisvænn ferðamáti er framtíðareinkenni Höfuðborgarinnar og því býður Íslenski fjallahjólaklúbburinn öllum í ratleik á Ferðafagnaði sem best er að leysa á reiðhjóli. Ferðafagnaður fer fram laugardaginn 18. apríl nk. Frá kl. 12 – 18 verða 34 póstar staðsettir við strandlengjuna frá Korpúlfsstaðagolfvelli í norðri að Ástorgi í Hafnarfirði í suðri. Bilið á milli póstanna er frá 0,6 – 2,0 km. Á hverjum pósti er að finna ágæta lýsingu að því hvar sá næsti er væntanlegur. Auk þess koma nöfn allra póstanna fram á þátttökuseðlinum sem keppendur prenta út sjálfir.

Alveg einstaklega gott veður er þessa dagana. Þó hitastigið þennan sunnudagsmorgun hafi ekki verið mjög hátt, var milt og gott veður. Stefnan var tekin upp í Heiðmörk þar sem þræddir voru nokkrir göngustígar í skógi og trjágöngum og  á götunum til skiptis. Greinilegt er að vorið er komið því gróður er aðeins byrjaður að taka við sér, lóan komin og snjórinn farinn (þó má sjá eins og tvö snjókorn á þessari mynd). Næsti sunnudagshjóltúr verður 19. apríl og er um að gera að skella sér með út í vorið í góðra knapa hópi. Ef hjólið liggur enn í geymslunni síðan í vetur og ef til vill með sprungið dekk, er um að gera að notfæra sér eitt af viðgerðanámskeiðunum sem verða: 9. 16 og 23. apríl (sjá nánar á dagskránni). Komdu með – það er aldrei að vita nema þú uppgötvir eitthvað nýtt í þínu nánasta umhverfi.

Ferðanefnd Fjallahjólaklúbbsins og Guðný Einarsdóttir hjolakonur.net

Mikilvægt er að þau sem vilja í Fjallabaksferðina okkar 4. - 12. júlí skrái sig strax því vegna skipulags verður skráningu að ljúka fyrir páska. Það er hægt að skrá sig í ferðina, eða fá frekari upplýsingar með því að senda tölvupóst til Darra á This email address is being protected from spambots. You need JavaScript enabled to view it. Svo þarf að borga staðfestingargjald 10.000 kr.. Skoðið nánari upplýsingar um ferðina hér .

2. apríl, fimmtudagur:  Kl. 12:00.  Bíllaus lífstíll afhendir samgönguráðherra bréf fyrir utan samgönguráðuneytið að Tryggvagötu fimmtudaginn 2. apríl kl. 12.00. Partur af átaki þeirra til að hvetja fyrirtæki og stofnanir til að gera samgöngusamninga við starfsfólk.  Lesið fréttatilkynninguna alla á vef þeirra billaus.is.

2. apríl, fimmtudagur: Kaffihúsakvöld í klúbbhúsinu Brekkustíg 2 frá kl. 20, samhliða myndasýningu úr starfssemi klúbbsins frá síðasta ári og myndbandi um hjólaviðgerðir.

5. apríl: Sunnudagshjóltúrinn frá Víkingsheimilinu kl. 09:30. Vikulegir hjóltúrar á vegum hjolakonur.net frá Víkingsheimilinu kl 09:30 á sunnudagsmorgnum út apríl.  Miðað er við að vera 2 tíma á ferðinni og eru ákvarðanir teknar af hópnum sem mætir hverju sinni. Frá maí skiptum við yfir á racera, hraðinn aukinn og æfingatíminn breytist. Allar nánari upplýsingar gefur Guðný í síma 564 5964.

9. apríl, fimmtudagur: (Skírdagur) Viðgerðanámskeið 1. Grunnatriði tekin fyrir svo sem að gera við sprungið dekk, stilla bremsur og hvernig maður stillir hjólið sitt "rétt". Aðeins talað um gíra.