Ráðstefnan  Hjólum til framtíðar 2015 er með undirskriftina Veljum, blöndum & njótum! þetta árið og verður haldin í Smárabíó í Smáralind, föstudaginn 18. september 2015 kl. 9 – 16

Þriðjudaginn 25. ágúst förum við í síðustu þriðjudagskvöldferðina í sumar. Við hjólum frá Húsdýragarðinum kl 19:30 í Klúbbhúsið að Brekkustíg 2 í lokahófið.  Kaffi og kaka verður í boði ásamt því að veitt verða verðlaun fyrir bestu mætinguna í þriðjudagsferðirnar í sumar og farandsbikarinn skiptir um hendur. Mætum öll hress og kát í síðustu og jafnframt styðstu ferðina  í sumar. Það eru allir velkomnir að mæta og taka þátt í gleðinni með okkur.

Kæru félagar, líkt og undanfarin ár hefur Reykjavíkurmaraþon farið þess á leit við okkur að aðstoða við framkvæmd hlaupsins þann 22. ágúst næstkomandi. Áhugasamir klúbbfélagar óskast til að hjóla á undan og eftir hlaupurum í öllum vegalengdum hlaupsins. Allir ættu að geta fundið vegalengd / hraða eftir áhuga og getu hvers og eins.

Við ætlum að hittast í Klúbbhúsinu að Brekkustíg 2, fimmtudaginn 13 ágúst kl 20:00 og skipuleggja helgarferð til Vestmannaeyja 14-16 ágúst.  Fólk er raunar á eigin vegum en um að gera að sameinast í bíla eins og hægt er.  Sumir gista i tjaldi, aðrir á gistiheimilum eða hótelum. 

Takið frá helgina 14-16 ágúst.  Þá ætlum við að herja á Vestmannaeyjar. 
 
Förum með hjól og farangur til eyja á föstudagskveldi og hjólum um eyjuna laugardag og sunnudag.  Til baka með síðustu ferð Herjólfs.  Gist verður í tjaldi og farið út að borða á laugardagskvöldið.  Annars er fólk á eigin vegum, en um að gera að sameinast í bíla eftir því sem hægt er.

Hjólaferðin hefst við Hjálparfoss í Þjórsárdal, laugardaginn 27 júní kl 12:00. Hjólað um línuveg og skógarslóða. Ca 25 km. Erfiðleikastig 5 af 10. Um kvöldið er sameiginleg máltíð og kvöldvaka, gist í Hólaskógi í svefnpokaplássi. Takið sundföt með, aldrei að vita nema Þjórsárlaug eða önnur sundlaug verði mátuð.

Minnum á fyrstu helgarferð vorsins, á laugardaginn kemur kl 11:00 Við ætlum að hjóla Nesjavallaleið, yfir Dyrfjöll, niður að Þingvallavatni og áfram niður að Úlfljótsvatni. Við munum gista í góðum bústöðum með heitum potti, elda saman um kvöldið og fá okkur hafragraut að morgni. Hjóla svo sömu leið til baka næsta dag. Dóti verður skutlað, taka þarf með nesti til tveggja dagsferða, en kvöldmaturinn er innifalinn í verði, sem er hlægilega lágt, 6000 krónur.

Frá árinu 2003 hefur Íþrótta- og Ólympíusamband Íslands staðið myndarlega að því að efla hreyfingu og starfsanda á vinnustöðum með heilsu- og hvatningarverkefninu „Hjólað í vinnuna“. Bæði er þetta skemmtilegur leikur og kjörið tækifæri til að hvetja vinnufélagana til að prófa að hjóla í vinnuna.

Skjárinn bíður félagsmönnum ÍFHK fría kynningaráskrift að Sportpakkanum sem inniheldur eftirtaldar stöðvar: SkjárSport, Eurosport 1, Eurosport 2, Motors TV, Edge, Extreme Sports Channel, Sky News og Ginx. Sjá tilkynningu frá Skjánum:

Stjórn og nefndir ÍFHK vilja óska ykkur gleði og farsældar á nýju ári.

Venju samkvæmt hefst vinna við fréttabréfið okkar Hjólhestinn núna eftir hátíðarnar og auglýsum við nú eftir efni. Það er laust pláss fyrir ýmisskonar pistla, ferðasögur, reynslusögur úr starfi klúbbsins og allskonar. Við látum samt aðra um að fjalla um keppnissportið.

Íslenski fjallahjólaklúbburinn er kominn í jólafrí. Þar af leiðandi verður ekki opið hús næstu tvö fimmtudagskvöld.
8. janúar 2015 verður kaffihúsakvöld eins og okkur einum er lagið.

Hátíðarkveðjur og óskir um að sem flestir fái notið þeirrar hreysti, hamingju og hagkvæmni sem hjólreiðum fylgja.

Íslenski Fjallahjólaklúbburinn
-25 ára starf til eflingar hjólreiða á Íslandi-

Til að fagna væntanlegum sólstöðum ætlum við að hittast í Klúbbhúsinu fimmtudaqinn 4 desember og eiga saman notalega kvöldstund. Í boði er eðal-kaffi Arnalds, vöfflur, piparkökur, jólaglögg og fleira góðgæti. Klúbbhúsið opnar að venju kl 20:00, viðgerðaaðstaðan opin á neðri hæð, kaffi og setustofan á efri hæð verður sett í hátíðabúning.
-Húsnefnd

Aðalfundur ÍFHK verður haldinn 30. okt. kl. 20 að Brekkustíg 2.
Hér með er jafnframt auglýst eftir framboðum til stjórnar klúbbsins. Þeir sem hyggja á framboð, sendi tilkynningu í netfangið This email address is being protected from spambots. You need JavaScript enabled to view it.

Framundan er hjólaráðstefnan; Hjólum til framtíðar 2014; okkar vegir – okkar val. Það væri okkur í Hjólafærni og Landssamtökum hjólreiðamanna, kært að hafa þig með okkur í salnum, nú eða úti að hjóla og jafnvel að snæða með okkur góðan mat. Einnig verður ráðstefnan send út beint á netinu. Þrír fyrirlesarar koma erlendis frá en auk þeirra eru fjölmargir innlendir fyrirlesarar.

Helgina 20.-21.september næstkomandi er fyrirhuguð haustlitaferð Fjallahjólaklúbbsins í Þórsmörk. Áætlað er að hjóla frá Seljalandsfossi inn í Goðaland að Básum, skála Útivistar og til baka næsta dag. Gist verður eina nótt í skálanum í Básum.

Óvissu og afmælisferð Fjallahjólaklúbbsins verður farin um næstu helgi, 23-24 ágúst en klúbburinn er 25 ára á þessu ári.  Mæting við Olís bensínstöðinni Norðlingaholti kl 8:00 og fólk, hjól og farangur verður ferjað úr bænum eitthvert upp á hálendið.  Hvert það verður veit víst enginn, né hver mun leiða hópinn en það verður gist í skála með hvítu postulíni, etið ket og drukkið öl.  Kannski mætir einhver með gítar, kannski einhver með harmoniku en orgel eru vinsamlega afþökkuð. 

Kæru félagar, líkt og undanfarin ár hefur Reykjavíkurmaraþon farið þess á leit við okkur að aðstoða við framkvæmd hlaupsins þann 23. ágúst næstkomandi. Áhugasamir klúbbfélagar óskast til að hjóla á undan og eftir hlaupurum í öllum vegalengdum hlaupsins.

Allir ættu að geta fundið vegalengd / hraða eftir áhuga og getu hvers og eins. Fjallahjólaklúbburinn hefur lengi veitt aðstoð sína á þessum skemmtilega degi og þetta er mikilvægur þáttur í fjáröflun klúbbsins.

Hjólaferðin hefst á Sandártungu í Þjórsárdal, laugardaginn 26 júlí kl 12:00.  Hjólað um línuveg og skógarslóða.  Ca 30 km.  Erfiðleikastig 5 af 10.  Um kvöldið er sameiginleg máltíð og kvöldvaka, gist í Hólaskógi í svefnpokaplássi.  Takið sundföt með, aldrei að vita nema Þjórsárlaug verði mátuð.

Lagt af stað laugardaginn 10 maí kl 11:00 frá Olís Bensínstöðinni við Norðlingaholt.  Hjólað eftir Suðurlandsvegi, beygt inn á veg nr. 431, Hafravatnsveg.  Þaðan farin Nesjavallaleið upp með Henglinum, niður að Þingvallavatni og áfram til Úlfljótsvatns, þar sem gist verður í góðum bústöðum með heitum potti.  Leiðin er 50 km, að mestu á malbiki.  Allar tegundir af reiðhjólum henta, nema racer.  Fólk þarf að hafa með sér nesti til tveggja daga, það verður sameiginleg máltíð á laugardagskvöldi (innifalið í verði), drykkjarföng að eigin vali, rúmföt (lak, sængur og koddaver), tannbursta og sundföt.  Trússbíll tekur farangur og aðrar pjönkur, möguleiki á að fá aðstoð upp Hengilinn ef brekkurnar taka um of í.  Það er sjónvarp í bústöðunum og hægt að fylgjast með Eurovision keppninni sem er á laugardagskvöldið. 

Valmynd