Langar þig að sjá eldgosið í Geldingadal með berum augum? Við ætlum að fara á miðvikudaginn 24.3.2021 og stefnan er að taka því rólega svo að sem flestir geti komið með. Ef þörf er á verður hópnum skipt upp eftir getu.
Áætluð tímalína.
15:30 Lagt af stað akandi úr bænum. Hægt að koma við í Kópavogi, Garðabæ og Hafnarfirði.
17:00 Lagt af stað hjólandi frá Grindavík.
18:00 Lagt af stað gangandi frá fjallsrótum.
19:00 Komið að gosinu.
20:30 Lagt af stað til baka.
23:00 Komið að bílnum og áætluð koma í bæinn um og eftir miðnætti.
Hjólaferðin er létt og flestir vanir hjólreiðum ráða við hana. Gönguleiðin er krefjandi, brattar brekkur og nauðsynlegt að vera í góðum gönguskóm. Hjólið þarf að vera með góð ljós að framan, við munum hjóla í algjöru myrkri á leiðinni til baka. Ljósin þurfum við að taka með upp í Geldingadal til að lýsa okkur leiðina til baka. Takið með vatn, nesti og orkustykki/drykki. Hlý föt og ekki gleyma myndavélinni.
Við munum sameinast í bíla, fyrstur kemur, fyrstur fær pláss. Þátttökugjald er 3000 sem greiðist bílstjóra. Ef þú vilt vera með sendu póst á This email address is being protected from spambots. You need JavaScript enabled to view it. og taktu fram hvort þú getir boðið far eða vanti far.
Sjá einnig viðburð á Facebook og gætu frekari tilkynningar varðandi ferðina bæst við þar.
https://www.facebook.com/fjallahjolaklubburinn/posts/5771217389558864