Lagt af stað laugardaginn 13 maí kl 11:00 frá Olís Bensínstöðinni við Norðlingaholt. Hjólað eftir Suðurlandsvegi, beygt inn á veg nr. 431, Hafravatnsveg. Þaðan farin Nesjavallaleið upp með Henglinum, niður að Þingvallavatni og áfram til Úlfljótsvatns, þar sem gist verður í góðum bústað með heitum potti. Leiðin er 50 km, að mestu á malbiki. Allar tegundir af reiðhjólum henta, nema racer. Sjónvarp á staðnum og þeir sem vilja geta fylgst með Eurovison.
Fólk þarf að hafa með sér nesti til tveggja daga, það verður sameiginleg máltíð á laugardagskvöldi og hafragrautur í morgunmat (innifalið í verði), drykkjarföng að eigin vali, rúmföt (lak, sængur- og koddaver eða svefnpoka þarf að taka með), tannbursta og sundföt. Trússbíll tekur farangur og aðrar pjönkur, möguleiki á að fá aðstoð upp Hengilinn ef brekkurnar taka um of í. Næsta dag er lagt af stað um hádegisbil og hjóluð sömu leið til baka.
Bókanir sendast í email á This email address is being protected from spambots. You need JavaScript enabled to view it. og tiltakið fjölda þáttakenda. Verð pr fullorðinn 7000 kr. Innifalið gisting, kvöldverður, hafragrautur í morgunmat og trúss á dóti.
Fararstjóri er Hrönn Harðardóttir, gsm: 823-9780 Erfiðleikastig 6 af 10. Leiðin er að mestu á malbiki, en brattar brekkur reyna á þol þáttakenda. Fín leið til að prófa formið fyrir ferðir sumarsins. 5-7 klst í austurátt, 4-6 í vestur.