Smellið á myndina til að skoða blaðið á Issuu.com Til að skoða blaðið yfir allan skjáinn smellið á Fullsize reitinn lengst til hægri í verkfærastikunni neðst til hægri.
Saga ÍFHK rifjuð upp #8
Þegar 1. tbl. fjórða árgangs Hjólhestsins kom út í mars 1995 virtist allt vera að gerast. Blaðið var stærra en nokkru sinni eða 24 síður. Félagsmenn fengu góða athygli þegar þeir mættu í sjónvarpsþátt Hemma Gunn. Á Alþingi var lagt fram frumvarp um að reiðhjólastígar yrðu hluti að vegakerfi landsins, Reykjavíkurborg var meðlimur í samtökunum Car free cities club og gerði í fyrsta skipti ráð fyrir hjólreiðamönnum á fjárhagsáætlun.
En einhverra hluta vegna er Reykjavík ekki orðin bíllaus enn og enn vantar boðlegar hjólaleiðir meðfram mörgum helstu stofnbrautum höfuðborgarsvæðisins og á milli hverfa og sveitafélaga.
Það breytir því ekki að þetta blað er fullt af góðu efni og notuðum við tækifærið og fluttum þrjár góðar greinar á vefinn með teikningum og öllu.
Fyrsta má nefna stórskemmtilega frásögn Jóns Arnar af Leppistunguleiðangri sem farinn var 1994.
María fjallaði um áhrif hjólreiða á líkamann - grein sem stendur vel fyrir sínu í dag.
Sonja Richer fjallaði svo um reiðhjól og reiðhesta í pistli sínum.
Páll Guðjónsson