Vegna óviðráðanlegra orsaka verðum við að fresta þessari ferð um óákveðinn tíma.
Lagt af stað á bílum frá Reykjavík laugardaginn 27 júlí kl 8:30. Keyrt til Víkur, þar sem gist verður á vel útbúnu tjaldsvæði. Hægt að sitja inni í rúmgóðu skýli, hita sér vatn og rista brauð. Kl 11:00 verður hjólað upp í Þakgil eftir ágætum malarvegi, þaðan þræddur árfarvegur Kerlingardalsárinnar nokkra kílómetra, uns komið er á sæmilegan sveitaveg vestan megin við ána. Brunað niður að Vík á malbikinu og sólstólarnir dregnir fram. Farið út að borða um kvöldið. Þetta landsvæði er ákaflega fallegt, bakgarðurinn að Þórsmörk er í senn hrikalegur og tignarlegur. 40 km dagleið, og búast má við 6-8 klst með hæfilegum sólbaðspásum. Erfiðleikastig 7 af 10. Upplagt að taka með vaðskó og lítið handklæði.
Á sunnudag verður hjóluð 30-40 km dagleið, það fer eftir veðri, vindum og óskum ferðalanga hvert verður hjólað, kannski í nágrenni Víkur eða Fljótshlíðin eða einhver önnur áhugaverð leið.
Bókanir og fyrirspurnir sendist á email This email address is being protected from spambots. You need JavaScript enabled to view it.. Ekkert gjald, en fólk tekur þátt í aksturskostnaði (kr 5000 fyrir sig og hjól) og greiðir sjálft fyrir gistingu. Vinsamlega takið fram við bókun hvort viðkomandi geti boðið far eða vanti far fyrir sig og hjólið.