Fjallahjólaklúbburinn

Kæri félagi ÍFHK.

Nýtt fréttabréf Fjallahjólaklúbbsins var að koma úr prentun stútfullt af skemmtilegu efni og ferðasögum. Fréttabréfið hefur verið sent í pósti ásamt skírteini fyrir árið 2009 til félagsmanna sem þegar hafa greitt félagsgjaldið. Tekin var ákvörðun um að hækka ekki félagsgjaldið þrátt fyrir almennar hækkanir að undanförnu. Gjaldið er 2000 krónur fyrir einstakling eða 3000 krónur fyrir fjölskyldu. Því hefur aldrei verið hagkvæmara að gerast klúbbmeðlimur en einmitt nú. Að auki eru fleiri fyrirtæki en áður sem veita afslætti en eftir næstu mánaðamót þarf að vísa fram skírteini 2009. Viðburðum í klúbbhúsinu hefur fjölgað og þeir fjölbreyttari og fleiri ferðir eru fyrirhugaðar í sumar en oft áður. Í ár er 20. starfsár klúbbsins og því verða ýmis konar óvæntar uppákomur árinu sem verða auglýstar síðar.

Sértu meðlimur þá finnur þú greiðsluseðil í heimabankanum. Með því að greiða hann er fyrrgreindur ávinningur þinn og félagsgjaldið fljótt að borga sig. Þú styrkir gott félagsstarf og málefni hjólreiðamanna. Landssamtök hjólreiðamanna (LHM) fá prósentu af félagsgjöldum en samtökin berjast fyrir bættri aðstöðu hjólreiðafólks og lagningu hjólreiðastíga á höfuðborgarsvæðinu. Árangur af starfi þeirra má glöggt sjá víða í borginni og það er ekki síst þeim að þakka að hjólreiðar eru nú raunverulegur kostur til samgangna. En betur má ef duga skal og margt sem má bæta. Við óskum því eftir stuðningi þínum og framlagi í þróun og velferð hjólreiða á Íslandi.