| Myndakvöld |
|
|
|
|
Myndakvöld í Klúbbhúsinu, Brekkustíg 2, fimmtudaginn 17. maí kl 20:00. Jón
Örn Bergsson hefur ferðast víða um land í árdaga Fjallahjólaklúbbsins.
Hann ætlar að sýna okkur slides myndir og segja frá ferðalögum sínum
þessa kvöldstund. Forvitnilegt að sjá hvernig (og hvort) fólk og
búnaður hefur tekið breytingum á síðustu 15-20 árum.
 Klúbburinn
er með opið hús fimmtudagskvöld frá kl 20:00. Þar gefst kostur á að
kynnast öðru fólki með svipuð áhugamál yfir kaffibolla og tala um heima
og geima, eða verða sér út um upplýsingar um athyglisverðar hjólaleiðir,
tæknileg málefni eða hvað eina tengt hjólreiðum.
 Í
klúbbhúsinu er að finna veglegt safn bóka og tímarita sem fjalla um
flest það er tengist málefnum hjólreiðamanna auk ferðamennsku og
umhverfismála. Þar kemst fólk í viðgerðaraðstöðu, meðlimum að
kostnaðarlausu. Því er það gullið tækifæri að yfirfara reiðhjólið og fá
tilsögn frá sér reyndara fólki. Það eru nefnilega ekki allir sem kunna
að skipta um dekk og bremsupúða eða stilla gíra. Hvað þá teina upp
gjarðir eða skipta um olíu í dempara
|
