Hjólum til framtíðar 2013 – réttur barna til hjólreiða
Föstudaginn 20. september 2013 kl. 9 – 16. Takið daginn frá.
Ágæti viðtakandi.
Í Evrópsku samgönguvikunni í haust, ætlum við að skoða saman hjólaaðstæður íslenskra barna á málþinginu Hjólum til framtíðar 2013 – réttur barna til hjólreiða.
Megintilgangurinn með ráðstefnunni er að skoða innlendar aðstæður, er hér allt í sóma? Rýna í reynslu annarra og greina með hvaða hætti og hvort gera megi hjólreiðar meira aðlaðandi í íslensku skólasamfélagi – aðferðir og leiðir. Þemað er Réttur barna til hjólreiða.
Við höfum lagt til spurningakannanir sem nefnd á vegum SFS getur lagt fyrir stjórnendur leik- og grunnskóla og stjórnendur frístundamiðstöðva. Þar ætti að vera hægt að finna út hvernig reglur ríkja um reiðhjól í skóla- og frístundastarfi Reykjavíkurborgar og viðhorf til hjólreiða; verkefni í skóla- og frístundastarfi tengd hjólanotkun og fleira.
Einnig er stefnt að því að leggja fyrir nemendur í 4., 7. og 10. bekk í Reykjavík spurningar til þess að meta þeirra hjólanotkun. Auk þess vinnum við að því að fá fram viðhorf ungs fólks til hjólreiða með því að virkja ungmennaráð hverfanna..
Dagskráin er í mótun en stefnt er að því að fá tvö erindi erlendis frá. Þegar eru bókuð á dagskránni kynning á hjólaverkefnum í Fossvogsskóla, Fjölbraut í Ármúla og Grundaskóla á Akranesi.
Ráðstefnan verður í Iðnó.
Framkvæmdastýra er Sesselja Traustadóttir, Hjólafærni á Íslandi,
s. 864 2776 This email address is being protected from spambots. You need JavaScript enabled to view it. www.hjolafaerni.is
Hjólaráðstefnan Hjólum til framtíðar 2013 - réttur barna til hjólreiða verður föstudaginn 20. september 2013 kl. 9 – 16. Dagskrá og nánari upplýsingar koma þegar nær dregur.
Ráðstefnan er 3. ráðstefnan undir heitinu Hjólum til framtíðar, fyrsta ráðstefnan var í Iðnó 2011. Hún er haldin í tengslum við Evrópsku samgönguvikuna. Hún er unnin í samvinnu Hjólafærni á Íslandi, Landssamtaka hjólreiðamanna, Skóla- og frístundasvið Reykjavíkur, Umhverfis- og skipulagssviðs Reykjavíkur, Háskóla Íslands, Landbúnaðarháskólann á Hvanneyri, Eflu, Mannvits, European Cyclist Federation, Vegagerðina, Umferðastofu, Embætti Landlæknis og ÍSÍ almenningsíþróttasviðs.
Umhverfis- og auðlindaráðuneytið og Borgarráð styrkja ráðstefnuna.
